Shillong, Nailar 23: Ka Shillong Traffic Police (STP) kala pynbna ia ka jingpyrkhing ia ka jingiaid ki kali ha ki katto katne ki jaka na ka bynta ka jingpynlong ia ka Semi Final jongka Durand Cup 2024 hapdeng ka Shillong Lajong FC pyrshah ia ka North East United FC, kaban long ha ka 26 tarik mynta u bnai ha J.N. Stadium, Polo ha ka por 5:30 janmiet.
Khnang ban pynsuk ia ka jingiaid beit iaid ryntih ki kali bad ki paidbah la pynmih ia ki jingpyrkhing ia ka jingiaid ki kali naduh ka por 2 baje mynsngi haduh ban da kut ka jingialehkai.
Ka jingpynbeit ia ka rukom iaid ki kali ka long kumne:
Ha ki katto katne ki jaka ha sawdong jong ka Polo, kynthup ia ka Lumjingshai Junction, 4 Furlong Junction, Polo Market bad Lawmali Junction bad ia kine yn ym shah iaid kali naduh ka por 2 baje bad 3 baje mynsngi.
Ki kali kiba leitsha kitei ki jaka kiba la mana, yn bthah ba kin hap ban iaid noh sha ka surok ban leit sha Lawmali, Jaiaw bad Jingthangbriew.
Yn ym shah ia ki kali heh ban rung sha ka thaiñ Polo naduh ka por 2 baje mynsngi.
Yn ym shah ban pynieng kali ha sawdong jong ka thaiñ Polo naduh ka por 11 baje mynstep.
La pynshlur ia ki paidbah ba kin ia shong lang ha ki kali ne taksi khnang ba kan pynduna ia ka jingdheng kali.
La pyllait ia ki kali kiba hap haka kyrdan ‘Emergency Service’ bad kito kiba kit ia ki briew kiba pang ba kitei ki jingpyrkhing.
Ka STP kala kyntu ia ki paidbah ba kin kiar ban leit sha ka thain Polo lada kim donkam ban leit naduh ka por 2 baje mynsngi haduh ban da kut ka jingialehkai.
Ka Shillong Traffic kala kyntu ruh ia ki nongkyrshan kiba leit sha J.N. Complex ban sakhi ia ka jingialehkai Football ba kin leit noh dang kloi khnang ba kan lait na kano kano ka jingpynmih ia ka jingdheng kali ha ka thain Polo.
 kala pynbna ia ka jingpyrkhing ia ka jingiaid ki kali ha ki katto katne ki jaka na ka bynta ka jingpynlong ia ka Semi Final jongka Durand Cup 2024 hapdeng ka Shillong Lajong FC pyrshah ia ka North East United FC, kaban long ha ka 26 tarik mynta u bnai ha J.N. Stadium, Polo ha ka por 5:30 janmiet.){kind=link}