Shillong, August 17: Ka kynhun ialehkai Shillong Lajong FC ka la rung sha ka Quarterfinal jong ka 133rd Durand Cup bad ka la wan ba ha khlieh duh ha ka Group F hadien ba ka la iakhaid pyrshah ia ka FC Goa da 1-1 ha ka jingiakhun ba long ha ka sngi Saitjain ha JN Stadium, Shillong.
Da kaba donkam tang kawei ka poiñ ban rung sha ka kyrdan, ka kynhun ïalehkai ka la ïakhun pyrshah ïa ka FC Goa kaba don shiphew ngut ha madan Jawaharlal Nehru.
U rang ialehkai Marcos Rudwere Silva ula ioh ban thep ia ka kol jong ka Shillong Lajong katba u Devendra Murgaonkar ula ioh thep ia ka kol jong ka Goa. Ka Shillong Lajong kala wan hakhlieh duh jong ka kynhun da kaba khur 7 poiñ katba ka FC Goa kala ioh khur 6 poiñ.
Da kane ka jingjop ka Shillong Lajong kan iasoh lang bad ka Mohun Bagan Super Giant, Bengaluru FC, Kerala Blasters, Indian Army FT, NorthEast United ha ka Quarterfinal kum ki Group Winners katba ka Punjab FC bad ka Emami East Bengal ruh ki la ioh ia ka jaka ha ka knockout kum ki ar tylli ki kynhun ba kynsai tam kiba wan ha ka kyrdan kaba ar.
