Shillong, Nailar 14 : Ka Hynniewtrep Youth Council (HYC) ha ka sngi Balang, kala byrngem ban pynlong ia ka jingiakhih lada ka State Bank of India (SBI) kam lah ban pynshai hapoh 5 sngi halor ka jingkynnoh thungkam ia ki Scheduled Tribe jong kiwei ki Jylla ha ka jaka jong ka bhah bala mang sha ki Scheduled Tribe ka Meghalaya.
Ka SBI, Central Recruitment & Promotion Department, Corporate Centre, Mumbai kala khot thep kam ia ki nongwad kam na ka bynta ka kam Junior Associate (Customer Support & Sales) ha ka Clerical cadre hapoh ka SBI.
Kat kum ka jingpynbna laitkam, ki don 77 tylli ki kali kiba dei ban pyndep ha Jylla Meghalaya ha kaba 33 tylli ki dei ki kam bala bhah sha ki ST, 3 tylli sha ki OBS, 7 tylli sha ki EWS bad 34 tylli sha ka General category.
La ong ba kine ki kam kim don satia ia ki kyndon ban don ka Inter-Circle Transfer/Inter-State Transfer bad ka dei ka post Group-C.
“Haba iadei bad katei ka jingthungkam ha ki kam ba lait bad kaba la buh kyrpang ia ka bhah ba 444% sha ki ST ka Jylla Meghalaya, ngi la ioh jingtip ba ki kyrtong kiba dei jong ki ST na kiwei ki Jylla kila shah jied ban iohkam ha kitei ki kam bala mang sha ki ST ka Jylla Meghalaya” ong u President ka HYC Roykupar Synrem ha ka shithi bala phah sha ka Deputy General Manager, SBI, Shillong Administrative Ofice, Dhankheti, Shillong.
“Ka rai jong ka SBI ban ai ia ki kam bala mang sha ki ST ka Meghalaya sha ki ST na kiwei pat ki Jylla ka dei ka kam kaba shai kdar ia ka jingpynlad ia ki ST ka Meghalaya ba kin ioh ia ka jingmyntoi na kum kane ka bhah bad ka long ruh ruh ia ki hukum bapher bapher ka Iingkashari Supreme Court nalor ka jingpynkhein ia ki jingbthah bala ai da ka Ministry ba dei khmih jong ka Sorkar India” ula ong.
“Kumta, ngi dawa ia ka SBI ba kan ai jingpynshai sha ngi ba halor kano ka nongim bala thungkam kumne, kaba long pyrshah ia ki jingbthah bad ki hukum ka Iingkashari, hapoh san sngi naduh mynta ka sngi lem kumta ngim don lynti pat da kumwei hynrei ban pynlong da ka jingiakhih pyrshah ia ka SBI ha ki District ka Ri-lum Khasi bad Jaintia” ong u Bah Roykupar.
 ha ka sngi Balang, kala byrngem ban pynlong ia ka jingiakhih lada ka State Bank of India (SBI) kam lah ban pynshai hapoh 5 sngi halor ka jingkynnoh thungkam ia ki Scheduled Tribe jong kiwei ki Jylla ha ka jaka jong ka bhah bala mang sha ki Scheduled Tribe ka Meghalaya.){kind=link}