Agartala, Aug 13: Ki shipai Border Security Force (BSF) kila pyn pulom ia ka jingpyrshang jong ki katto katne ngut ki briew ban jam sha Tripura na Bangladesh ha ka sngi Nyngkong da kaba siat da ki kuli ba shu pynmynsaw.
Katkum ki thymmei khubor, ka kynhun kaba don haduh 12-15 ngut ki briew, kila pyrshang ban wan rung tuh sha ka thaiñ Khowai jong ka Tripura da kaba shim kabu ïa u slap bad ka jingduna ka jingïohi.
Ha ka thain Shatei Lam Mihngi, la ngeit ba ka bynta jong ka Tripura kaba don ha khappud, ka dei kaba kham shah ktah ha ki jingwan buhai shnong beain ki nong Bangladesh
Saw tylli ki jylla ka thain Shatei Lam Mihngi – Assam, Tripura, Meghalaya bad Mizoram – ki ia sam ia u khappud bad ka Bangladesh. Baroh ki la pynkhlain ia ka jingpahara ha ki jaka khappud hadien ka jingkhihwin jong ki paidbah ha ka ri ba marjan.
Saw ngut ki nong Bangladesh ki la ioh ban rung tuh sha India ha ka thain Tripura bad hadien la kem ia ki da ki pulit ha Agartala ha ka Sngi U Blei.
Hadien ba la jingkhyllem ka Sorkar Awami League jong ka Sheikh Hasina ha Bangladesh, ki paidbah ka Bangladesh ki la pyrshang ban rung sha India hynrei ka jingpahara kaba pyrkhing jong ki bor pahara ka la khanglad ia ki ban rung sha ki jaka jong ka India.
 kila pyn pulom ia ka jingpyrshang jong ki katto katne ngut ki briew ban jam sha Tripura na Bangladesh ha ka sngi Nyngkong da kaba siat da ki kuli ba shu pynmynsaw.){kind=link}