Nongpoh, Nailar 07 : Ki paidbah ka Shnong Warmawsaw ba hap ha Jirang Constituency, kila ujor ia ka jingdon jong kawei ka pharmacy u bar jylla hapoh ka thain, kaba la kynnoh pyniaid iew ne die ia ki dawai kiba la kut ka por treikam (expired).
Ka Khasi Students’ Union (KSU)-Warmawsaw haba ioh pdiang ia ka jingujor, kala hiar khynra ia kane ka Pharmacy hynne ka sngi Balang bad hadien ka jingshem ia ka jingshisha, kane ka seng ki samla pule, kala khang tala syndon ia kane ka dukan die dawai ha ka thain.
Kane ka pharmacy ka dei kaba la pyniaid da u briew ba kyrteng u Hafijul Hussain, kaba la don mynta la shisnem eiei hapoh ka thain.
U President ka KSU-Warmawsaw samla Receive Pator ula pyntip ba ka seng kala ioh pdiang ia ki jingujor na ki nongthied dawai ba kane ka Pharmacy kala die da ki dawai bala kut ka por treikam (expired). U iathuh ba ka seng kala leit ban khynra bad lap ia ki katto katne ki dawai kiba la kut ka por treikam.
U pyntip ba ha ka jingtalasi ia ki kot ki sla, la kynnoh ba une u bar jylla u khlem lah satia ban sei wat tang kawei ka kot pynshisha ba u lah ban die ia ki dawai ne buh Pharmacy ne wat ka Trading Licence ne Work Permit.
Halor kane ka jingshem, ka KSU kala khang tala syndon ia kane ka pharmacy bad kala beh krad syndon ia une u bar jylla ba un leit phai shala ka jong ka Jylla.
Ha kajuh ka por, ka KSU kala maham tyngeh ia kino kino ki briew kiba shim kabu ban plie dukan die dawai khlem da pyn biang ia ki kot ki sla kiba donkam ne ban shim kabu ha kaban die ia ki dawai bala kut ka por treikam.
-Warmawsaw haba ioh pdiang ia ka jingujor, kala hiar khynra ia kane ka Pharmacy hynne ka sngi Balang bad hadien ka jingshem ia ka jingshisha, kane ka seng ki samla pule, kala khang tala syndon ia kane ka dukan die dawai ha ka thain.){kind=link}