Shillong, Nailar 06: Ka United Democratic Party (UDP) kan sa shim shen ia ka rai, la kan iakhun ne em ha kane ka elekshon shiteng samoi ha Gambegre Constituency kaban sa long shen.
Haba kren sha ki lad pathai khubor hadien ba la wai ka jingïalang ka CEC hynne ka sngi Ba-ar, u President ka UDP Bah Metbah Lyngdoh u la ong ba ka party ka la ïakren halor ka mat kaba ïadei bad ka elekshon shiteng samoi ha Gambegre kaba long kaba donkam hadien ka jingiehnoh kam u Saleng A Sangma ka Congress hadien ba u la shah jied kum u MP ba thymmai jong ka Tura.
“Ngi la rai baka Party kan ieh ïa kane ka kam ha ka jingstad jong ki nongmihkhmat ha ka thaiñ Garo. Ki la pan por shwa ban shim ïa ka rai kaba bha tam halor kane ka kam” ong u Bah Metbah.
Haba kylli, u President ka UDP u la ong “Ngin nym buh ia ka kali hakhmat u kulai. “Ngin ap ia ka jingai jingmut jong ki nongmihkhmat na Garo Hills shwa ban shim ia ka rai ba khatduh halor kane ka kam”.
