Shillong, Naitung 19 : U Superintendent of Police ka East Khasi Hills Bah Sylvester Nongtnger u pyntip ba ha ka 17 tarik Naitung, ki Pulit kila register haduh 6 tylli ki ejahar (FIR) pyrshah ia ki nongialam Sengbhalang namar ka jingkhynra mynder.
U pyntip ba la phah notice ruh sha ki Nongialam jong ki sengbhalang kat kum ka kyndon 35 (3) BNSS.
U Bah Sylvester u pyntip “6 tylli kicase la register ha East Khasi Hills District bad watla ym pat shym la kem iano iano ruh, ngi la dep ban phah notice sha ki”.
Haba kylli, u SP ula ong “Phi la iohi ha ki kot khubor ba katto katne ki Sengbhalang kila pynlong ia ka jingkhynra nongbylla ha kylleng ki jaka ka East Khasi Hills. Ngi la bthah ia ki Sector Officer, ki OC bad IC ba kin pyrshah ia kane ka kam ki Sengbhalang bad pynthikna ba kam dei ban mih kano kano ka jingjia ia ki briew kaba ki talasi kot”.
