Shillong, Naitung 08: U MLA ka Nongpoh constituency, u Bah Mayralborn Syiem hynne ka sngi ula pynpaw ka jingsngewkhia halor ka jingshah kem u Bah Backstar Diengdoh ha ki Pulit ka Assam.
Lah ban kdew ba ia u Bah Backstar Diengdoh (47 snem ka rta) uba dei naka shnong Belahari Ri-bhoi District, ula shah kem haki pulit Assam haka 10 tarik Jylliew halor ka jingkynnoh donkti ban tuh ia ki maw na kawei ka par maw kaba don haki bynta ka Jylla Assam.
Haba pynpaw ka jingsngewkhia, u Bah Mayralborn ula ong ba kum u MLA ka thain Ri-bhoi District ula shim khia ban iakren bad ki Pulit Assam ban pyllait mardor ia Bah Backstar.
U Bah Mayralborn ula iathuh ruh ba ula dep ban iakren bad u muktiar ban iakhun mutkoduma na ka bynta ban pyllait ia u Bah Backstar.
“Nga la dep iakren bad u DC, u SP ka Ri-bhoi bad kumjuh ruh ia ka Sorkar Jylla ban pynthikna ba utei u rangbah un ioh mih noh na thanat lyngba ka jamin” ong u Bah Mayralborn.
Haba iadei bad kane u MLA ka Nongpoh Constituency, u Bah Mayralborn u phah ruh ka jingsngewlem sha ki bahaïing, bad u la kyntu ruh ia ki bahaïing bad ki para shnong ba kin long kiba iashah shipor namar ka jingiakren ka dang iaid bad ki bor ka Sorkar Assam haba iadei bad ka jingshah kem u Bah Backstar Diengdoh.
