Shillong, Jylliew 26: Ha snem 2023-2024 ki don haduh 610 ngut ki briew kiba shah kem namar ka jingdonkti ha ka kam khaii drok bad kurup ia u droks ba shongdor T.300 klur hapoh Meghalaya.
Ia kane la pyntip u Myntri ka Social Welfare u Bah Paul Lyngdoh haba kren hadien ka jingialang bala pynlong hapoh ka Drug Reduction Elimination & Action Mission (DREAM) kum shi bynta ban rakhe iaka sngi pyrshah drok bala rakhe ha baroh kawei ka pyrthei.
Ka phangpdeng jong mynta u snem kadei “Ki dak ki shin kila shai-Pynkhlain iaki jingiada”.
Haba kren shaki lad pathai khubor u Bah Paul ula iathuh ba kiba ioh pang HIV namar ka jingpyndonkam drok hapoh Meghalaya ka long 11 percent katba ha baroh kawei ka Ei India ka long 9 percent.
U Bah Paul ula ong baka dang donkam shibun iaka Sorkar Jylla ba kan leh naka bynta ban tehlakam iaka jingkyrni drok hapoh ka Jylla khamtam ban pynbun iaki jaka sumar lane ki De-addiction Centre bad ki prokram ialap pynsngewthuh halor ka jingma na u Drok.
Ula iathuh ba ka jingdon bun jait ki rukom pyndonkam drok kiba la kynthup lang naduh u duma, opium bad kiwei kiwei.
 kum shi bynta ban rakhe iaka sngi pyrshah drok bala rakhe ha baroh kawei ka pyrthei.Ka phangpdeng jong mynta u snem kadei "Ki dak ki shin kila shai-Pynkhlain iaki jingiada".){kind=link}