Shillong, Jylliew 24: Ka Myntri ka koit ka khiah Dr M Ampareen Lyngdoh hynne ka sngi Nyngkong, kala plie ia ka X-Ray Unit ha Smit Primary Health Centre ha ka jingiadonlang u Commissioner & Secretary ka koit ka khiah Dr Joram Beda bad Dr F. V Kharshiing, Director ka Health Service (MI) bad kiwei kiwei.
Haba kren ha ka jingialang, ka Dr M Ampareen Lyngdoh kala ong ba kala wan sha PHC ym tang ban plie iaka X-Ray Unit hynrei ban peit ruh ia ka jingiaid shakhmat jong ki kam ki jam ha kane ka PHC.
Ha kine ki bnai kiba la dep, ka Myntri haba jurip ia katei ka PHC, kala ioh pdiang ia ka jingkyrpad na ka Dorbar Shnong ban kyntiew kyrdan noh ia ka PHC sha ka CHC bad ka jaka ruh kala don lypa bad leh ia kane ka kam. Ka Myntri kala aiti ia kane ka kam sha u Engineer ka Engineering Wingba yn leh ia ka kam.
Kala ong ruh ba ka long kaba donkam ban don ia ka jingiadei kaba iajan hapdeng ki ophisar bad ki paidbah khnang ba ki kam kin long kiba seisoh bad kala kyntu ruh ia ki ophisar jong ka tnad ba kin buddien iaka jingtyrwa jong ka Dorbar.
 bad kiwei kiwei.){kind=link}