Shillong, Jylliew 23 : Ka Khasi Students Union (KSU) kala dawa ban pynlong ia ka jingtohkit kaba bniah bha halor ka jingkynnoh thombor ki shipai Border Security Force (BSF) ia kawei ka Longiing ha Kuliang, East Jaintia Hills myn ha ka 19 tarik Jylliew.
Ha ka ujor bala mudui sha u Deputy Commissioner, ka KSU kala ong “Kane ka shithi ka long kum ka jingujor bad ka jingkyntu ban pynlongia ka jingtohkit ba bniah halor ka jingpynibor bad jingleh tohmet jong ki shipai BSF. Ngi kyrpad ia ki bor khmih ban leh eiei mardor khnang ban pynthikna ba kane ka Longiing kan ioh ia ka jingbishar kaba hok bad ba kum kine ki jingjia kin ym jia shuh”.
Ka KSU kala dawa ruh ba ki nongleh ia kane ka kam ki dei ban shah tian bishar bad ba dei ruh ban ai jingiada bad jingkyr shan ia kane ka Longiing ba shah thombor.
Ka ujor ka iathuh ba ha ka 19 tarik, ki breiw kiba kam ba ki dei ki BSF kila leit rung jubor ha ka iingsah u Bah Shanroi Lyngdoh Lyngkhoi da kaba kynjat ia ka jingkhang. Kine ki shipai ki khlem phong uniform ban pynithuh ialade kum ki shipai.
“Kine ki shipai kila shu thom da ka bor bad shoh dusmon ia u Bah Shanroi haduh ba la kdiah ka shyieng krung nalor ka jingshoh bad jrong kti ia ka Khun (ba dang khynnah) lem bad ka Kmie” kala ong.
Ka KSU kala kynnoh ruh ba kine ki shipai hadien ka jingthombor ia kane ka Longiing, kila tuh ruh ia ki jingdon jingem jong kane ka Iing.
 kala dawa ban pynlong ia ka jingtohkit kaba bniah bha halor ka jingkynnoh thombor ki shipai Border Security Force (BSF) ia kawei ka Longiing ha Kuliang, East Jaintia Hills myn ha ka 19 tarik Jylliew.){kind=link}