Shillong Jylliew 19: Ka Meghalaya Industrial Development Corporation Ltd. (MIDC) kala pynbna ia ka jingplie ia ka Business Facilitation Centre (BFC), kaba la pynwandur ha kaban kyntiew bad pynsuk ia ka lad ban leh ia ki kam khaïï pateng na ka bynta ki nongsengkam kiba la don lypa bad kiban dang mih hapoh ka jylla Meghalaya.
Kane ka Centre ka thmu ban pyniaid ryntih ia ki kam khaïï pateng bad ban plie lad ban kyrshan na ka bynta ban kyntiew sted ia ka ioh ka kot ha ka thaiñ.
Ka BFC kan pynleit jingmut halor ki 4 tylli ki bynta kiba kongsna kiba kynthup ia ka ‘Collection of Lease Agreements’ ha kaba yn don ia ka kynhun kaba kyrpang klaban pyniaid ia ka jinglum ia ki ‘Lease Agreement’ ha baroh ki Industrial Estate kiba la pyniaid da ka MIDC ha Byrnihat, Umian bad Mendipathar.
Kane ka jiungthmu kan pynthikna ban pynduna ia ka por bad kan treikam thikna ha kaban peit ia ki kam kiba iadei bad ka rukom bat ia ki Lease khnang ba kan kyntiew ia ka rukom treikam ha ka jingpyniaid beit pyniaid ryntih ia ka khaï♪9 pateng ha ki Industrial Estate.
Nalor kane ka ‘CIBIL Score Report Generation’ kan plie lad ia ki nongsengkam kiba applai lyngba ka CM-ELEVATE, mynta kin ioh jingmyntoi na ka CIBIL Score Reports ha ka BFC. Kane ka jingai jingshakri kan pynbiang ia ki jingtip kiba bniah halor ka Critical Credit Information, kaban plie lad ban ioh ia ka ram na ki Bank bapher bapher.
Lyngba ka Financial Literacy & Education, ka BFC kan pynlong ia ki Capacity-Building Programs da kaba phaikhmat sha ka Financial Literacy & Education bad ia kine ki prokram la pynwandur ban pynkup bor ia ki nongsengkam da ki jingnang jingtip bad ki sap kaba ki donkam ban pyniaid ia ka pisa pilaiñ bad ban shim ia ki rai kiba kongsan haka jingleh ia ka khaïï pateng.
U James P K Sangma uba long u Chairman ka MIDC, ula pynpaw ia ka jingkyrmen skhem halor kane ka jingshim ia ka sienjam kaba thymmai bad ula ong, “Ka Business Facilitation Centre ka mihkhmat ia ka jsienjam kaba yn iaid nangne shakhmat ha ka jingkular ban kyntiew ia ka kam khaïï pateng kaba biang ha Meghalaya. Da kaba ai jingkyrshan bad da ka jingthmu ban pynkup bor ia ki nongseng kam bad ban kyntiew iaka ioh ka kot jong ka jylla”.
Katba u Bah DD Nongmalieh, Managing Director ka MIDC, ula ong, “Ka thong jong ngi ka long ban thaw ia ki lad khaïï pateng ha man la ki bynta ha ka jingiaid lynti jong ki nongsengkam. Ka BFC kadei ka nongmuna jong ka jingtrei shito mka jong ngi ban kyntiew ha kaban pynsuk ban leh ia ki kam khaïï pateng ha Meghalaya bad ngi ngeit skhem ba kan long ka jingmyntoi ia ki nongsengkam”.
