Tura, Jylliew 09: Ka Tura Civil Hospital kala lah ban pyndep ia ka jingleh Surgery kaba seisoh ia kawei ka longkmie ha kaba la leh ia ka Double Chamber Pacemaker Implantation bad Angioplasty ban iarap ha kaban pyntreikam thikna ia ka jingtreikam u klongsnam.
Ia katei ka jingai jingsumar la leh ia ka longkmie kaba la don 44 snem ka rta kaba na Williamnagar, East Garo Hills hapoh jong ka Cardiac Catheterization (CATH) Lab jong ka hospital ia kaba dang shu dep ban buh thymmai.
Katei ka nongpang, kadei kaba la leit ban phah sumar ha Williamnagar Civil Hospital ha kaba kala don hapdeng ka jingshitom jur hynrei la phah kit noh ia ka sha Tura Civil Hospital ha ka por kabab iang na ka bynta ban ioh iaka jingsumar kaba paka bad lada dei ba ka don kano kano ka jingpynslem kan buh ha kajingma kaba khraw ia kane ka nongpang.
“Kane ka nongpang kala shitom jur bha ha ka por bala wanrah ia ka sha Hospital bad ka jingim ka jongka ruh ka don hapdeng ka jingma kaba khraw” ong u Dr. Jacob Abraham Ruram, Chief Cardiologist ha Tura Civil Hospital.
“Lyngba ka jingphah mardor bad kaj ingdon ia ki kor ki bor ha ka CATH Lab, ngi la lah ban leh bad pyndep da kaba seisoh ia ka Double Chamber Pacemaker Implantation bad ia ka Angioplasty” ula ong.
Ka jingleh ia kitei ki surgery ym tang ba kala pynjanai biang ia ka rukom long rukom man jong u klongsan bad kala nang pynbha ruh iaka jingkhlain jong ka nongpang.
“Mynta kala sdang ban koitbankhiah bha bad lakhmihlynti ba kna sa koit sa khiah pura noh shen” ong u Dr. Ruram.
Kane ka jinglah ban leh iaka Surgery kaba seisoh kala long u mawjam jong ka jingkiew shaphrang jong ka Tura Civil Hospital ha kaban ai jingsumar bad jingshakri ia ki nongpang.
