New Delhi, Jylliew 05: U Myntri Rangbah Duh ka Ri Narendra Modi ha ka sngi Balang, ula aiti ia ka shithi iehnohkam kum u Myntri Rangbah Duh sha ka President Droupadi Murmu.
Ia kane la pynthikna da ka kyrwoh kaba la phah na Rashtrapati Bhavan.
“U Myntri Rangbah Duh, Narendra Modi, ula iakynduh hynne ka sngi ia ka Presdent bad ula ai ia ka shithi iehnohkam ha ryngkat ki Myntri Sorkar” ong ka kyrwoh.
“Ka President kala pdiang ia kane ka jingiehnohkam bad kyrpad ia u Narendra Modi bad ia ki Myntri Sorkar ba kin iai bteng ban shakri tad haduh bala shimti ia ka bor synshar da ka Sorkar Thymmai” la pyntip.
Ka khubor ka iathuh ba ka jingthaw ia ka Sorkar NDA bad ka jingbam smai biang u Modi ka lah ban long ha ka 8 tarik u Jylliew.
Ha kane ka sngi, ka Kynhun Myntri ka Sorkar Pdeng kala ai jingmut ban pynkut noh ia ka samoi jong ka Lok Sabha ba 17. Ka samoi treikam jong kane ka Lok Sabha ba mynta kan kut ha ka 16 tarik u Jylliew.
