Jowai, Jymmang 29 : Kawei ka Longkmie kala shu lait salit na ka tyrsim ka jingim hadien ka jingshah rong ha ka Umsaw jong ka Wah Myntu, West Jaintia Hills.
Kat kum ka khubor ba ioh lum, kane ka Longkmie ka leit khwai sha kane ka wah hynrei ha ka jingbakla, kala syntuid shapoh ka Wah bad shah rong ha ka umsaw.
Ha ka video bala saphriang kylleng, la iohi ba kane ka Longkmie kala snoh ha uwei u tnat dieng uba shah kit lang ha ka um bad kane ka jingiohsnoh, kala pyllait ia kane ka longkmie na ka jingngap jyllop.
Ia kane ka longkmie la ioh ban pyllait im da ki paidbah na ki bynta ba sharum ba kham jem ka um jong kane ka wah.
