Shillong, Jymmang 13: U Joint Director ka Meghalaya Board of School Education (MBoSE) Bah M Marbaniang, ula pynshai ba ka MBoSE kam pat pynmih satia ia kano kano ka jingpynbna ban pyllait noh ia ka Result jong ka HSSLC Arts bad SSLC bad ong ba ka notification ba la pynsaphriang ha ki Social Media ka dei kaba shu thok.
“Ka jingpynmih ia ka jingpynbna kaba la pynsaphriang ha ki Social Media ban pynbna noh ia ka resol HSSLC Arts bad SSLC ne Matric ha ka15 tarik mynta u bnai kam dei kaba shisha bad na ka liang jong ka Board kam pat pynmih ia kano kano ka jingpynbna ban pynmih iaka resol Matric bad ka HSSLC Arts. Imat ki don mano re mano kiba la leh ia kane hynrei ki paidbah bad ki kmie ki kpa kidei ban ap ba ka MBoSE kan sa pynmih ia ka jingpynbna lyngba ki lad pathai khubor” ong u Bah Marbaniang.
“Haduh mynta ngim pat rai eiei ia ka tarik ban pynmih ia ka resol bad mynshem snem ngi la pynmih ha ka 26 tarik u Jymmang ia ka resol jong ka Matric bad ka Arts bad mynta u snem ruh ka lah ban poi sha kitei ki tarik hi hynrei ngin sa pyntip ia ka tarik kaba thikna” la ong u Joint Director ka MBoSE.
Haba kylli ba kane kam dei ka sien kaba nyngkong ba ki riewshimkabu kin pynmih ia kum kitei ki jait jingpynbna kiban pynklumar khlieh ia ki khynnah pule bad hato ka Board kan ujor pyrshah ia ki, u Bah Marbaniang ula ong, “Ngi dang shu ioh jingtip shaphang katei ka jingpynbna bad ngi dang bunkam bha ha kaban pynbit pynbiang ia ki jingdonkam baroh bad ngim pat ioh pyrkhat ia kata, hynrei ki briew kiba leh ia kane kim dei ban pynmlien ban leh ia kine ki kam ban pynklumar jingmut kai ia ki khynnah pule”.
Ula ong, ba ka Board kan sa shong pyrkhat ha kaba iadei bad katei ka jingpynsaphriang ia ki jingpynbna thok ha ki social media.
 Bah M Marbaniang, ula pynshai ba ka MBoSE kam pat pynmih satia ia kano kano ka jingpynbna ban pyllait noh ia ka Result jong ka HSSLC Arts bad SSLC bad ong ba ka notification ba la pynsaphriang ha ki Social Media ka dei kaba shu thok.){kind=link}