Tura, Jymmang 04: U Deputy Commissioner ka West Garo Hills u Jagdish Chelani hynne ka sngi Saitjain ula pyntip ba la khang ban die kyiad naduh ka 5 tarik haduh ka 7 tarik u Jymmang namar ka jingdon ka Elekshon Lok Sabha ha ka jylla Assam.
U DC ula pyntip ba kane ka jingkhang ban die kyiad kan sdang naduh ka por 4 baje janmiet jong ka 5 tarik u Jymmang bad kan kut haduh ka por ba la dep ka jingthep vote ha ka 7 tarik u Jymmang.
“Ha kane ka hukum la bthah ba baroh ki dukan die kyiad, ki canteen, ki wain kiba la shna ha ki iing, ka jingleit ai kyiah ha ki iing bad ki Bonded Warehouses hapoh ka District,” la ong ka Order jong u DC.
Kane ka jingthmu ka long ban pynthikna ba ka elekshon kan long kaba iaid beit iaid ryntih bad na ka bynta ka jingshngain jong ki paidbah.
