Imphal, Jymmang 04: Ki jingpyrshah bad ki jingkyrpad jingsuk kila mih ha ka lyngkhuh dap shisnem jong ki kam iaumsnam pher jaidbynriew ha Manipur.
Kum shibynta jong kane ka jingpyrshah, haduh hynniew ngut ki kynthei kila khie lyndem bad iashimbynta ha ka rally niah cycle ban pynsaphriang ia ka khubor ka jingsuk bad jingiatylli ha Manipur ha ka sngi Thohdieng.
Ryngkat ki jain ba iong ba ki slogan, kine ki kynthei kila pynpaw ha ki placard ha ka jingiaid rally cyle kiba ong “Ngi kwah ia ka jingsuk, em ia ka jingphiah bor synshar, iada ia ka jingiatylli ka Jylla”. Kane ka rallu kala sdang na Sekmai sha Kangla, kaba don hapdeng eh jong ka sor Imphal.
Ban kynmaw ia ka jingdap shisnem ki kam umsnam ha Manipur, ki jaidbynriew Meitei bad ki Kuki-Zomi ha ka sngi Thohdieng kila pynlong iala ki jong ki jong ki jingialang hala ki jong ki jaka.
Kine baroh ar Jaidbynriew ha kine ki prokam, kila kynmaw burom ia kito kiba iap na ka thma iapher Jaidbynriew, kaba la sdang ha ka 3 tarik Jymmang 2023.
Ki briew ba phetwir kiba don ha ki ktem ba shipor, ruh kila pynlong ia ki prokram bapher bapher ha kane ka jingdap shisnem ka thma iapher Jaidbynriew. Ka Federation of Civil Sciety Organisation (FOCS) kala kyrpad ia ki paidbah ba kin kynmaw ia ka 3 tarik Jymmang haba banjur ia ka jingkong ka jingiatylli bad ka jingsuk.
