Ka jingpyntrei ia ka surok Shillong-Dawki kala iaid biang
Shillong Jymmang 02: U Symbud Myntri Rangbah ba khmih ia ka Tnad PWD (Roads) Bah Prestone Tynsong, hynne ka sngi Balang ula lum ia ka jingialang ban tip ia ka jingiaid jong ka kam ban shna iaka surok Shillong-Dawki bad ka jingshim jaka na ka bynta ban shna ia ka surok Shillong Western Bypass.
Haba iakren bad ki nongthoh khubor u Bah Prestone Tynsong ula ong, “Nga la lum ia ka jingialang bad ka National Highways & Infrastructure Development Corporation Ltd (NHIDCL) bad ki tnad Sorkar bapher bapher na ka bynta ka jingshna ia ka surok Shillong-Dawki bad ia ka Shillong Western Bypass bad ia mynta baroh kiei kiei kila iaid ha ka lynti kaba dei”.
Ula pyntip ba ha kaba iadei bad ka Shillong Western Bypass, ia katto katne ki jaka la dep ban aiti sha ka NHIDCL da ki Deputy Commissioner jongka Ri Bhoi bad East Khasi Hills District.
“Shen, ngin sa aiti noh ia ka jaka baroh ban shna ia ka surok sha ka NHIDCL bad ia ka Work Order la dep ban aiti sha ki contractor (ban sdang ia ka jingshna iaka surok Bypass)” ong u Bah Prestone.
Ha kaba iadei bad ka jingshna ia ka surok Shillong-Dawki, u Symbud Myntri Rangbah ula pyntip ba kila sdang ban bteng biang ia ka jingtreikam.
“Ka kam kala sdang biang. Nga tharai phi lah ia iohi hi, la kadei ka Four Lane ne ka Package I, II bad IV. Kila sdang biang ia ka jingtreikam hynrei ngam don pat ia ki jingtip kiba pura la katno percent ka kam kala dep. Shen ngin s alum ia ki jingtip baroh na ka NHIDCL,” ula ong.
 bad ki tnad Sorkar bapher bapher na ka bynta ka jingshna ia ka surok Shillong-Dawki bad ia ka Shillong Western Bypass bad ia mynta baroh kiei kiei kila iaid ha ka lynti kaba dei”.){kind=link}