Shillong, Iaiong 29: U President barim ka FKJGP Bah Wellbirth Rani, ula kyntu ia ka Tnad Pule Puthi ka Jylla ban phaikhmat bha ha kaban kyntiew ia ka pule puthi ha ki jaka Nongkyndong.
UBah Wellbirth uba dei ruh u Chairman ka NEIPF ula buh ia kane ka jingkyntu haba iashimbynta ha ka jingialang ki Kmie Kpa jong ki Khynnah skul ka Mawsadang Secondary School, kaba long hynne ka sngi Nyngkong ha Mawsadang.
Kat kum ka jingong jong u, ka Sorkar ka dei ban phaikhmat em ban pynbit pynbiang ia ka pule puthi ha Nongkydong namar ka jingiarap ba ka ai ka dang duna palat ba ki skul kin kiew shaphrang kumba long ki skul ha jaka sor.
Haba pynshlur bad ai mynsiem ia ki khynnah skul ba kin minot thop ha ki jingpule, ula ong “Ki Kmie Kpa kila theh katba don ban lah pynnang pynstad iala ki khun ki Kti. Ka dei ia ngi ki Khun ban siew kylliang ia ki Kmie Kpa da ka jingkohnguh sneng bad da ka jingtrei minit ha ki jingpule”.
Ha kane ka jingalang la wan ban iashimbynta da ki Kmie Kpa jong ki lai tylli ki skul kata ka Mawsadang Secondary School, Mawsadang LP School bad ka Mawsadang Iew LP School.
La pynphuh pynphieng ia kane ka jingialang da ki jingrwai, jingshad bad ki jingialehkai bapher bapher jong ki Khynnah kitei ki skul.
 Bah Wellbirth Rani, ula kyntu ia ka Tnad Pule Puthi ka Jylla ban phaikhmat bha ha kaban kyntiew ia ka pule puthi ha ki jaka Nongkyndong.){kind=link}