Shillong, Iaiong 27: Ki Pulit ka East Jaintia Hills District kila ioh ban kurup ia u drok Heroin uba shongdor T.7.2 Klur ha ka jingkhynra kaba la pynlong ha Ratacherra.
Ha ka jingtalasi ia kawei ka Mahindra Pick-up Truck ka bym don ia u nombor, ki Pulit kila lap ia kawei ka pla plastik kaba ïong, kaba don 84 tylli ki synduk sabon ba la thep ia u powdar uba rongstem ia kaba kila suba jur ba udei u drok Heroin.
Ki Pulit kila bat noh ia u nongniah jong katei ka kali uba la tip kum u Nehtinmang Haokip, 36 snem ka rta, ula phla ba ula wanrah ia une u jingdih pynbuaid na Churachandpur, Manipur ban pynpoi ha nongbah Shillong.
Une u Heroin uba la ioh kurup u khia 900 Gram bad la kurup noh ia katei ka kali bad ia ka mobile phone kum shi bynta jong katei ka jingkhynra.
Ki pulit kila kem noh ia u Haokip bad la pynngat ia u hapoh ki kyndon jongka Narcotic Drugs and Psychotropic Substances (NDPS) Act bad ka jingtohkit mynta ka dang iaid shakhmat.
