Dibrugarh, April 22: Ka Dibrugarh District Sports Association (DDSA) kala wengkam shipor ia u Dr Debajit Dutta kum u president ka DDSA hadien baka kurim kala shah kem halor ka jingshah kynnoh lehbein iaka nongtrei ing kaba dang khynnah.
Haka 20 tarik Iaiong, kala don ka jingialang jong ka DDSA bad ha kane ka jingialang ki nongtrei ka DDSA kila rai ban wengkam shipor ia u Dr Debajit Dutta u ba bat kum u President ka DDSA.
U Dr. Dutta ula phet shipor hadien baka kurim jong u Boby Kalita kala shah kem haka 14 tarik mynta u bnai haki Pulit Dibrugarh bad kila Register Case hapoh ka Dibrugarh police station.
“Haka 12 tarik Iaiong, u Dr Debajit Dutta bad ka kurim ka Boby Kalita kila wan shak ophis treikam. Hadien ba ki mih naka Ophis ki Pulit kila kem iaka kurim u Dr Debajit. Hadien ba ngi la leit mih sha Dibrugarh police station, ngi ioh jingtip ba iaka kurim ka Boby Kalita la kem hynrei u kurim ula phet” la ong dkhot ka Child Welfare Committee(CWC), Dibrugarh.
Katkum ka jingiathuh dkhot ka CWC, ka nongtrei khynnah kala shah lehbein bad teng teng ka shah khang tala ha kawei ka karma lada ki shijur ki leit sha Guwahati.
“Ka lanot kala iathuh baka la shah lehbein daka kurim u Dr Debajit Dutta bad wat hadien baka ujor sha u Dr Dutta um ju pynsngap. Ka Khynnah ka iathuh ba kam tip iaka jaka sah lajong namar iaka la wanrah da kiwei” la ong dkhot ka CWC.
Ka case No. 136/2024 hapoh ka kyndon under section 352/342/326/374/506/34 jong ka IPC bad section 75/79 jong ka Juvenile Justice Act, 2015 bad 2014 Amended Child Labour Act, 1986 la register ha Dibrugarh police station.
“Hadien bun sngi ruh ki Pulit kim pat kem ia u Dr Debajit Dutta katba iaka kurim kila kem. Balei ym lah ban kem lang ha ka juh ka por. Kumno u ioh lad ban phet” la kylli iwei riew rangbah.
U Additional superintendent of police (crime) u Sizal Agarwal ula ong “U Dr. Debajit Dutta u dang phet. Ngi dang pyrshang ban lap iaka jaka rieh bad ngin sa leh katkum ki kyndon ka ain”.
Ki khubor ki iathuh ba u Dr Debajit ula thied iaka khynnah napoh ka Jylla Arunachal Pradesh ha u snem 2013 bad naduh une u snem, ka khynnah ka don bad kine shijur.
La iathuh ruh ba kane ka lah ban dei ka kam khaii briew.
“Bun ki khynnah kynthei riewlum ki shah ialam shaka kam khaii briew daka jingtyrwa ban aikam. Bun na kine ki khynnah kidei napoh ka Jylla Arunachal Pradesh. Ka don ka jingiateh hapdeng ka kam khaii briew daka ba tyrwa ban aikam sha kiwei ki Jylla”.
 kala wengkam shipor ia u Dr Debajit Dutta kum u president ka DDSA hadien baka kurim kala shah kem halor ka jingshah kynnoh lehbein iaka nongtrei ing kaba dang khynnah.){kind=link}