Shillong, Iaiong 17 : Ka kyrtong ka NPP na Shillong Kong Ampareen Lyngdoh kala kular ia ki paidbah ba kan bud tista ia ki dienjat u Kpa (L) Peter G Marbaniang, MP barim ka Jylla bad ruh ia ki ishu ba sahteng ka Jylla lad aka shah jied kum ka Nongmihkhmat sha Lok Sabha.
Ka Kong Ampareen kala kular ruh ba lada ki paidbah ki ibit ia ka kum ka Nongmihkhmat, ka kular ba kan trei shitom katba lah ha kaban kyntiew ia ka Jylla.
Kala pyntip ba ki ishu ba hakhmat eh ba kan leh ka long ban buddien ia ki Resolution bala mynjur da ka Iingdorbar Thaw ka Ain ka Jylla ba kynthup ia ka jingdawa pyntreikam ia ka Inner Line Permit (ILP), ka jingpynrung ia ka ktien Khasi bad Garo ha ka khyrnit ba phra lem bad kiwei kiwei.
Kala kyntu ia ki paidbah ban long kiba stad haba jied ia ki nongmihkhmat ha Parliament bad ban phah ia ka MP kaba don hapoh ka Sorkar namar kane kan pynsuk ban iakren ia ki ishu jong ka Jylla.
 Peter G Marbaniang, MP barim ka Jylla bad ruh ia ki ishu ba sahteng ka Jylla lad aka shah jied kum ka Nongmihkhmat sha Lok Sabha.){kind=link}