Shillong, Iaiong 16: Artylli ki iing kila ingkhong lut hadien ba ka ding kaba klang, kala bamduh ia kine ki iing hynne ka step ha Mawlai Mawiong Umjapung, Nongneng Block A.
Kane ka ding kala bam duh ia baroh ki jingdon jingem jong baroh artylli ki longing hynrei kaba phylla ba ha kane ka jingjia, ki thylliej ding ki khlem ktah satia ia ka Bible wat tang khyndiat ruh.
La iathuh ba kane ka jingjia kala jia haka por 8:30 baje eiei bad kine ki iing kiba shah bam duh haka ding ki dei jong ka kong Twintina Nongneng bad jong ka Kong Risuk Wanshong.
Mar sien ioh jingtip halor Kane, ki bor Pulit bad ki kali pynlip ding kila poi sha kane ka jaka ban tem iaka ding.
Watla ka jingtohkit ka dang iaid hynrei la suba ba kane ka jingpluh ding ka lah ban dei namar ka jingkem ding u Meter Box.
Watla kam shym la don kano kano ka jingjia ba sngewsih hynrei naka liang ki trai kila kyrpad iaka Sorkar ban iarap iaki namar kila duh lut iaki jingdon jingem namar la bam duh ka ding.
