Itanagar, Iaiong 08: Ka jingkulmar kaba ishyrkhei kala mih hapdeng ki nongkyrshan ka Congress bad ka BJP hapoh ka shnong Dadam, kaba hap hapoh ka Khonsa (West) Legislative Assembly bad ha kane ka jingjia, haduh 10 ngut ki briew kila mynsaw.
Kane ka jingjia kala jia hynnin ka janmiet sngi Nyngkong. La ong ba napdeng ki 10 ngut kiba mynsaw, arngut la hap ban pynkit noh sha hospital bad hadien la pynkynriah sha Dibrugarh ba kin ioh ia ka jingsumar ba paka.
Baroh artylli ki seng sain pyrthei kila ujor da ka ejahar pyrshah kawei ia kawei pat halor kane ka jingkulmar.
Ban tem ia kane ka jingiakynduh, u Deputy Commissioner Ira Singal ula khot hajir ia ki nongmihkhmat na baroh arliang mamla ban iakren mynta ka sngi.
Ki bor Sorkar kila pynkhlain bha ia ki bor pahara ha ka thain ban tehlakam ia ka shongsuk shongsain ha ka thain.
 Legislative Assembly bad ha kane ka jingjia, haduh 10 ngut ki briew kila mynsaw.){kind=link}