Tura, Iaiong 06: Ka Meghalaya Basketball Association ryngkat bad ka District Basketball Association kila pynlong ia ka jingjied ia ki nongialehkai Basketball ha ka Wat kaba Nyngkong na ka bynta ka Meghalaya U-18 Basketball Team na ka bynta ki khynnah Kynthei bad Shynrang jong ka rilum Garo hynne ka sngi Saitjaiñ.
Kane ka jingjed ia ki nongialehkai kadei kum shi bynta jong ka jingpynkhreh na kabynta ban leit iashimbynta ha ka 74th Junior Basketball Championship, kaban long ha Indore ha u bnai ban wan.
Ia katei ka jingjied ia ki nongialehkai la pynlong ha Basketball Court jongka Don Bosco College ha kaba ki Coach kiba la tbit bad kiwei kiwie kila peit sani ia ka rukom ialehkai jong ki khynnah na rilum Garo.
Kila don 29 ngut ki khynnah na kylleng ki bynta jong ka rilum Garo kiba la wan ban iashimbynta ha kane ka Trial kiba kynthup 21 ngut ki shynrang bad 8 ngut ki kynthei kiba la pyni ia ka sap ka phong ka jongki ha ka jingialehkai Basketball ban shah jied ban ioh ialehkai ha ka kynhun jong ka Meghalaya U-18.
Hadien ka jingkhmih bad jingbishar bniah la jied ia ki 6 ngut ki nongialehkai kiba kynsai kiba kynthup 4 ngut ki shynrang bad 2 ngut ki kynthei bad kine kin hap ban iashimbynta sa ha ka Trial ha ka Wat ka Baar kaban long ha Shillong.
Ha ka liang ki shynrnag kiba la shah jed ki kynthup ia u Asim Jakrikra D Marak na East Garo Hills, u Milo Arengh na East Garo Hills, u Jaisen M Sangma na West Garo Hills bad u Jordan G Momin na North Garo Hills.
Ha ka liang ki kynthei kiba la shah jied ki kynthup ia ka Tengsilchi B Marak na West Garo Hills bad ka Mechira N Sangma na South Garo Hills.
