Shillong, Iaiong 06: Ka jaka pynlang Pipe um plastik jong ka tnad PHE kala julor lut haba ka ding kaba la klang bha kala bamduh ia kane ka jaka pynlang Pipe kaba don ha ka lynti ban leit Lumjingtep Catholic ban poi sha Lumshyiap, Shillong.
Kane ka jingjia kala jia kumba ha ka por 4 baje janmiet.
Kane ka jingklang ka ding kala shyrkhei bha bad kala pynsyier mynsiem ia ki longiing kiba don marjan bad kane ka jaka pynlang pipe um.
Haduh mynta ym pat lah ban tip iaka daw jong ka jingpluh.
Ki paidbah nong shong shnong kila suba kane ka jingklang ka ding ka lah ban dei namar ka jingthang khlaw kaba la jia teng.
Haduh mynta ki Pulit ka tnad pynlip ding ha ka jingiatreilang bad ki bor shong ki dang íaleh ban tem iaka ding.
Haba iadei bad kane, ki Pulit ki dang pynlong ka jingtohkit ban lap iaka daw ba pluh ding.
