Shillong, Lber 27: Ka National Cricket Academy Bengaluru jong ka BCCI kala jied ia ki 9 ngut ki nongialehkai na Meghalaya ban iashimbynta ha ka North East Senior Men’s Camp kaban sdang naduh u bnai ban wan.
Kane ka camp kan long ha Guwahati naduh ka 8 tarik u Iaiong haduh ka 2 tarik u Jymmang.
Ki 9 ngut ki nongialehkai Cricket ka jylla kiba la shah jied ki kynthup ia u Akash Kumar Choudhury, Swarajeet Das, Jaskirat Singh Sachdeva, Dippu Sangma, Abhishek Kumar, Ram Gurung, Kishan Lyngdoh, Raj Biswa bad u Aryan Borah.
Ka All India Senior Men’s Selection Committee jong ka BCCI kala jied ia kitei ki 9 ngut ki nongialehkai ka Meghalaya kadei halor ka nongrim halor ka jinglah ka jongki ban ialehkai bha ha u snem 2023-24 kiba kynthup ia ka Syed Mushtaq Ali Trophy (senior men’s T20), Vijay Hazare Trophy (senior men’s one day) bad ka Ranji Trophy (senior men’s first-class).
Ka Meghalaya kala poi sha ka final jongka Plate Group ha ka sien kaba nyngkong bad kala iakhun pyrshah ia ka Hyderabad kaba dei ka kynhun kaba khlaiñ.
