Shillong, Lber 25: Ka jinglehniam Bet Abir ha ka skulbah North Eastern Hill University (NEH) hynne ka sngi nyngkong kala pynmih iaka jinghuri hura hapdeng ki dkhot jong ka Rashtriya Swayamsevak Sangh (RSS), Akhil Bharatiya Vidyarthi Parishad (ABVP) bad ki nongialam jong ka North Eastern Hill University Students Union (NEHUSU).
Kane ka jinghuri hura kala jia ha ka por 12:30 mynsngi hapoh katei ka skulbah bad katei ka jinghuri kala heh ha kaba u Vice President ka NEHUSU u samla Easterson Sohtun ula mynsaw bad la pynkit noh ia u sha hospital.
U Easterson Sohtun, ula ujor da ka ejahar ha Mawkynroh Outpost, ha kaba ula pyntip ba kila don kumba 200 ngut ki dkhot jongka RSS bad ABVP kiba la wan rung hapoh jong ka skulbah da ka jingthmu ban rakhe ia ka bet abir. Hynrei la pynsangeh noh ia kid a ki dkhot jong ka NEHUSU halor ka nongrim ba katkum ki kyndon treikam la khang pyrshah ban pynlng ia ki jingrakhe bad ia kino kino ki kam saiñ pyrthei hapoh jong ka skulbah.
Ha ka Ejahar, u Vice President ka NEHUSU ula kynnoh ba 3 ngut ki riewshimet kiba kynthup ia u Kamlesh Singh, Amit Tripathi bad u Anubhav Pandey kila shoh bad pynmynsaw ia u.
Hadien shi kynta jong katei ka jingjia, ki nongialam ka RSS bad ABVP kila kynnoh kylla ba u Vice President ka NEHUSU ula pynthud iaka jingrakhe ia ka bet abir.
U Secretary ka ABVP u Tengku M Marak ula kam ba ka jingkynnoh u Vice President ka NEHUSU ka long ka bym shisha bad ka bym dei satia.
U Marak ula pynpaw ba u Easterson Sohtun ula don lypa ia ka jingthmu kaba sniew ha kaba ula wan ban pynsangeh jubor ia ka jingrakhe ia ka bet abir hapoh ka ksulbah NEHU.
U Marak ula kob ruh ia u Easterson ban pyni ia ki sabut halor ka jingkynnoh ba ula shah kti bad ula ong ba ym shim la don mano manor uh na ka liang ka jongki kiba la ktah kti ia u.
 hynne ka sngi nyngkong kala pynmih iaka jinghuri hura hapdeng ki dkhot jong ka Rashtriya Swayamsevak Sangh (RSS), Akhil Bharatiya Vidyarthi Parishad (ABVP) bad ki nongialam jong ka North Eastern Hill University Students Union (NEHUSU).){kind=link}