Shillong Lber 23: Ka Carmel School, Sadew ha ka sngi Thohdieng kala pynhap pyrda noh ia ka Second Annual Sports Meet 2024 kaba la pynlong ha Madan Iasit.
Ia kane la lympung ialehkai ki khynnah ka skul Carmel la pynhap pyrda da u Bah Lionel Nongkhlaw ha kaba la iadonlang ki nongpyniaid bad Principal ka Carmel School, ki nonghikai, ki kmie ki kpa bad ki khynnah skul.
Ki heprit bad ki khynnah kila pyni iala ka sap ka phong ka jongki da ka jingshimbynta ha ka jingleh ia ka ‘Drill’ bad ka jingshad kiba la pynsngewtynnad ia baroh.
U Bah Lionel ula sam ia ki khusnam sha ki khynnah skul kiba la jop ha ki jingiakob ialehkai ki bapher ha kane ka sngi kut.
