Shillong, Lber 23: U Nongialam ka BJP ba khmih ia ka Meghalaya Dr M Chuba Ao ula pyntip ba ki Nongialam na Delhi kila iohi ba ka party (BJP) kam idon jingkyrmen ban pynieng kyrtong ha Meghalaya bad dei na kane ka daw ba kala rai ban kyrshan noh ia ka National People’s Party (NPP).
Kat kum ka jingong jong u “Ka rai jong ka BJP ban nym pynieng kyrtong ha ka elekshon Lok Sabha na Meghalaya kala mih hadien ka jingkhmih bniah ba ka party kan ym poi sha ka thong. Kumta ngi la rai ban kyrshan noh ia ki arngut ki kyrtong ka NPP na baroh artylli ki constituency-ka Shillong bad Tura”.
“Ngi la thikna ba ka BJP kan ym poi sha ka thong lad aka iakhun ia kane ka elekshon Lok Sabha” ong u Ao.
U Chuba Ao ula iathuh “Shuwa ba ngin shim ia ka rai, ngi la pynshong nongrim ia ka jingioh vote ka party ha ka elekshon Lok Sabha 2009, 2014 bad 2019 ha Shillong constituency bad ha Tura constituency kaba la iakhun tang ha u snem 2019. Nalor kane, ngi la bishar ruh ia ka jingioh vote ha ka elekshon MLA 2023 kaba la neh hi kumjuh”.
“Lada ngi pynieng kyrtong, da kaba shai ngim don ia ka lad ban jop namar kam don ka jingkiew ha ka jingioh vote ka jong ngi. Haba ngi iadonlang ha ka sorkar jylla kumta ngi lah rai ban kyrshan beit noh ia ka NPP. Ka jingai jingkyrshan ka BJP ia ka NPP ka dei ruh namar ba ka NPP ka dei kaba kyrshan ia ka Sorkar NDA kaba la ialam da ka BJP ha Delhi” ong u Chuba Ao.
Ka NPP kan pynieng ia ka Kong Ampareen Lyngdoh kum ka kyrtong na ka Shillong Constituency bad ia ka Agatha Sangma na ka Tura Parliamentary Constituency bad kine mynta kin ioh ia ka jingkyrshan na ka seng BJP ha ka elekshon.
 kam idon jingkyrmen ban pynieng kyrtong ha Meghalaya bad dei na kane ka daw ba kala rai ban kyrshan noh ia ka National People’s Party (NPP).){kind=link}