New Delhi, Lber 21 : Ka Election Commission of India (ECI) ha ka sngi Palei, kala bthah ia ka sorkar Pdeng ba kan pynsnageh noh ia ka jingphah message jong ka “Viksit Bharat Sampark” ha ka whatsapp, kiba batai ia ki prokram ka Sorkar Pdeng.
Ka Commission kala ai ka jingbthah sha ka Ministry of Electronics and Information Technology hadien ba ka ioh pdiang ia ki jingujor pyrshah ia kane ka kam.
“Kane ka sienjam ka dei shibynta jong ki rai bala shim da ka Commission ban pynthikna ia ka elekshon kaba khuid bad bym shah liang” ong ka Commission kaba la pan ruh ia ka kaiphod pyntreikam na ka Ministry halor kane ka kam.
Ka ECI kala ioh pdiang ia shibun ki jingujor ba ka Sorkar Pdeng ka dang pynbteng ban phah ia ki message ha ki phone jong ki paid nongshongshnong ka ri wat hadien ka jingpynbna ia ka elekshon Lok Sabha 2024 bad ka jingtreikam jong ka Model Code of Conduct.
