Tura, Lber 16 : Lai ngut ki runar kiba shna ia ka social media page bad kam ba pynkhie im ia ka GNLA kaba la iap bad khot ialade kum ka “GNLA-R ( Regroup)”, kila shah kem ha ki Pulit ka Ri-lum Garo hynne ka sngi Saitjain.
Kine ki laingut ki dei ki runar kiba ju donkti ha ki kam dawa pisa, lute bad kiwei kiwei, ong ki Heh Pulit.
Kawei ka jingthoh kala mih ha Facebook myn ha ka 22 tarik Rymphang bala thoh da uwei u briew uba ai kyrteng ialade da u Goera Pantora Sangma, uba kam ba I dei u Chairman ba thymmai ka GNLA-R kaba don ia ka Headquarter ha Tura.
U Superintendent of Police ka West Garo Hills ula pyntip ba ki Pulit haba tohkit ia kane ka jingkam, kila lap ia kine ki lai ngut bad kila kem ia ki na kylleng ki jaka ka West bad North Garo Hills.
U iathuh ba kine ki runar kila phla ia ka jingshna ia ka facebook page u ‘Goera Pantora” bad thep ia kane ka kyrwoh khubor.
Kine ki laingut ki kyrteng u Sengsrang N Marak, Thosengcheba A Sangma bad u Chijang A Sangma.
Na kine ki briew, ki Pulit kila ioh kurup ia ki mobile phone bad Sim card, ka laptop, ki booklet ba don 82 tylli ki pamphlet bad ruh 6 tylli ki pamphlet ha ka kyrteng jong ka All Garo Hills Merchant Association.
U SP ula kyntu ba lada don mano mano ba tip shaphang kiwei pat ki dkhot ka GNLA-R ba kin sngewbha ban ai jingtip sha ki thanad kiba don marjan.
”, kila shah kem ha ki Pulit ka Ri-lum Garo hynne ka sngi Saitjain.){kind=link}