Shillong Lber 16: U Additional Director General jong ka BSF (Eastern Command), Kolkata, u Ravi Gandhi, ula wan ban jngoh ia ka rukom treikam ki shipai BSF kiba pahara ha khappud ka Meghalaya bad ka ri Bangladesh.
Ha kane ka jingwan jngoh kaba 2 sngi kata ha ka 15 bad 16 tarik u Lber, u ADG ula lum ia ka jingialang ban sngewthuh bad ban ioh jingtip halor ka jinglong jingman, ka rukom treikam treijam bad ki kam khynra ia ki kam beain bad kam bymman ha khappud.
La pdiang sngewbha ia u ADG da u IG ka BSF Meghalaya u Harbax Singh Dhillon ryngkat bad ki heh ophisar ka BSF. U IG ula ai ka jingbatai kaba bniah ia u ADG ia ka jinglong jingman ha ki thaiñ khappud bad ka ri Bangladesh bad ula pyntip ruh ia ki jingeh ba mad da ki BSF ha ka kam pahara ha khappud bad ia ki lad kiba kila shim ban iakhun ia kitei ki jingeh.
Ha ka 15 tarik u Lber, u ADG ha ryngkat ka jingdonlang u IG BSF Meghalaya, kila leit ban khmih bniah ia ka rukom pyniaid kam bad ka jingpynkhreh lypa jong ka Sector Headquarter Tura.
U Ravi Gandhi ula ai jingkren ia ki shipai BSF ha ka Sainik Sammelan ha kaba ula ban jur ia ka jingdonkam ki shipai ba kin long kiba khlain haka bor met bad ha ka bor pyrkhat.
Hadien kane, u ADG ula leit ruh ban iakynduh ia u Lat ka Jylla Meghalaya u Paghu Chauhan ha Raj Bhavan, ia u Chief Secretary ka jylla Bah D.P. Wahlang bad DGP ka jylla Dr. L.R. Bishnoi.
Ha ka sngi Saitjain, u ADG ula leit ruh ban jurip ia ka jingtei ia ka Composite Hospital Mawpat bad ula leit ruh ban jurip ia ka BOP Dawki, Pyrdiwah bad Lyngkhat. Ula iakren ruh bad ki Field Commander bad ki shipai BSF ha kaba ula iaroh ia ka jingtrei shitom ka jongki ha kaban iada ia ka ri.
, Kolkata, u Ravi Gandhi, ula wan ban jngoh ia ka rukom treikam ki shipai BSF kiba pahara ha khappud ka Meghalaya bad ka ri Bangladesh.){kind=link}