Guwahati, Lber 16: U Myntri Rangbah ka Jylla Assam u Himanta Biswa Sarma u pyntip ba ka Jylla kala khring ia ka jingkynshew kam ba kot haduh T. 13,000 klur haki 14 bnai bala dep.
Kane ka jingkynshew kam kadei naka bynta ban ai kam haduh 17,000 ngut ki briew. Ka jingmynjur kala wan hadien baka kynhun Myntri Sorkar kala mynjur iaki 21 tylli ki jingtyrwa hapoh ka Industrial and Investment Policy of Assam 2019.
Lah ban kdew ba iaka IIPA la pynkylla ha u 2023 ban pynshlur ka jingbei tyngka kaba T. 100 klur lane palat bad ban pynthikna ka jingaikam ba pura shaki 200 ngut ne palat
Ka long kaba donkam ban tip ba dang shen ka sorkar ka la soi sa 7 tylli ki soskukar bad kane kala poi shaka 14 tylli ki jingiasoi baroh lang.
Kine ki jingiasoi kin pynmih kam kumba palat 6,500 tylli daka ba ka jingkynshew pisa ba kot haduh T.2,000 klur.
Lah ban kdew ba ki Company ba kynthup ka PepsiCo India, Star Cement, Jericho Chemicals, Indian Hotels Company Ltd, Maxim Infrastructure Pvt Ltd bad Topcem India LLP kila kular ban bei tyngka hapoh Assam.
