Ioh u Prof ka NEIGRIHMS ia ka hok long trai na ka jingshem ia ka Multifunctional Autopsy Workstation

Shillong Lber 15: U Prof A J Patowary, Head jong ka Department of Forensic Medicine ka North Eastern Indira Gandhi Regional Institute of Health & Medical Sciences (NEIGRIHMS), ula ioh ia ka hok ban pyndonkam bad die (patent) ia ka jingshem jong u ia ka Multifunctional Autopsy Workstation ne ka jaka treikam kaba paka ban khmih bniah ia ki metïap.

Katei ka workstation kadei kaba la pynwandur nadong hadong da u Prof Patowary, ha kaban pyniaid ryntih iaka Autopsy ne ka jingkhmih bniah iaka metïap da kaba pyniasoh lang ia baroh ki jingdonkam ha katei ka jaka treikam. Kane ka Workstation ka dei kaba la shna kata ka rukom kaba don lang iaka jingsam ia ka um kaba khluid bad kaba pjah, ka rukom tan kaba pyndonkam tang da ka bor jong ki kjat bad ka jingkynshait um ha ba sait ia ka met ka phad.

Nalor kane, ha katei ka jaka trei la kynthup lang ruh ia ka Trolley bad ka jaka puid ia ka metiap.

Kane ka pyni ruh iaka jingiaid shakhmat ha ka liang ka Forensic Medicine, ka ban ai ka jingshakri kaba biang, ka rukom pynkhreh bad ka rukom pyndonkam iaka jingstad saïan ha kaba iadei bad ka jingkhmih ia ki metïap.

Kane ka Autopsy Workstation kaba lah ban trei ha ki bynta bapher bapher, ka don ia ka kabu ban lah ban pynjanai bha iaka rukom treikam, ka jingtrei kaba khuid ba suba bad ban pynduna ia ka jingbam ia ka jaka jong ka kamra kaba khmih bniah ia ki metïap.
U Prof. C Daniala u Medical Superintendent jongka NEIGRIHMS ula ong ba ka “Prof.

Patowary’s Multifunctional Autopsy Workstation kadei ka jingsakhi ia ka mynsiem ban shna ia kaei kaei kaba thymmai bad kane ka jingangnud ka don bha hapoh ka NEIGRIHMS. Kane ka jinglah ban thaw thymmai, kan iarap shibun ha ka rukom trei rukom ktah jng ki riewstad ha ka Forensic bad kan noh synniang bha ha ka rukom kaba bha tam bad kaba beit tam ha ka Medicolegal System”.

Katba u Prof Nalin Mehta, Director ka NEIGRIHMS ula ong ba “Kane ka jingshna kaba thymmai ka pyni shai kdar iaka jingiengskhem ka NEIGRIHMS ha ka jingkiew irat ha ka rukom ai jingsumar”.

Ula ong, ba ka Workstation jongu Prof. Patowary kadei ka nuksa kaba khraw ba kumno ki nongtrei ha NEIGRIHMS ki iai trei shitom ha kaban ialeh ban kyntiew ha ka jingai jingsumar sukher ha ka thaiñ.