Shillong, Lber 06: Ka tnat Department of Personnel and Training (DOPT) ka Sorkar India haka jingiatreilang bad ka tnat Sports, kala pynbna ban aikam ne thungkam Sorkar ia ki nongialehkai kiba ioh khur takma ha ka lympung ialehkai Khelo India Games nalor ka Youth, University, Para bad Winter Games.
Ia kane la pynbna da u Myntri ka tnat Youth Affairs and Sports ka Sorkar Pdeng u Anurag Singh Thakur.
U Anurag u la ong “Haba bud iaki mat treikam jong u Myntri Rangbahduh ka Ri u Narendra Modi kata ban kyntiew iaki kam ialehkai, kino kino kiba ioh khur takma haka Khelo India ki lah ban ioh kam Sorkar hapoh ka tnat Department of Personnel and Training (DoPT) bad ka India Sports, lyngba ka bhah Sports”.
Kane ka jingpynbna kan dei ruh naka bynta kito kiba ioh khur takma haka 𝗞𝗵𝗲𝗹𝗼 𝗜𝗻𝗱𝗶𝗮 𝗚𝗮𝗺𝗲𝘀, 𝗬𝗼𝘂𝘁𝗵, 𝗨𝗻𝗶𝘃𝗲𝗿𝘀𝗶𝘁𝘆, 𝗣𝗮𝗿𝗮, bad 𝗪𝗶𝗻𝘁𝗲𝗿 𝗚𝗮𝗺𝗲𝘀.
U la ong ba kane ka jingpynbna ka dei naka bynta ban pynlong iaka Ri India kum ka Ri ka ba khlain bha haka kam ialehkai ha baroh kawei ka Pyrthei.
Ula ong ba kino kino kiba samla bala kynjoh 18 snem bad kiba khur takma haka Khelo India Youth Games, Khelo India Winter Games, Khelo India Para Games bad Khelo India University Games ki lah ban Apply naka bynta ban ioh kam Sorkar.
Naka bynta ban jied iaki nongialehkai kiba lah ban ioh kam Sorkar, la pynthymmai ruh iaki kyndon ban ai Certificates naka bynta ban pynshisha bad ia kane yn leh da Secretaries of National Sports Federations naka bynta ki jingialehkai International, Secretaries of State Associations naka bynta ki National Competitions bad ki Deans or Sports Officers of Universities naka bynta ka Inter-University Tournaments.
