Shillong, Lber 06 : Ka Tnad Election ka Jylla ha ka sngi Balang, kala iasoi ia ka Memorandum of Understanding (MoU) bad ka Tnad Education ban pyntreikam ia ka Electoral Literacy Club (ELCs) ha kaban pynsngewthuh ia ki nongthep vote ba dang khynnah ka Jylla shaphang ka elekshon, kum ka jingpynkhreh ia ka elekshon Lok Sabha ban wan.
Haba kren ha ka jingialang, u Chief Electoral Officer (CEO) ka jylla BD Tiwari ula ong ba ka jingiasoi ia ka MoU ka dei kaba la leh kat kum ka jingbthah jong ka Election Commission of India (ECI) ban lah pynsngewthuh sha baroh ki nongthep vote khynnah haba buh hakhmat ia ka elekshon Lok Sabha ban wan.
U Tiwari ula ong ba da ka jingiasoi ia ka soskular, kiba bun ki ELCs kin sa treikam ha ki jaka pule Higher Education bad ki College bad la khmih lynti ba bun ki samla pule kin iashimbynta ha kine ki prokram ai jingpynshai bala pynlong da ka Tnad Election.
“Da ka jingiasoi ia ka MoU, ki skul bad ki college kin ai jaka ban thaw ia ki ELCs ha kaba ki nonghikai kin dei ki nongpyniaid bad ki kam ai jingpynshai yn leh ha ryngkat ka jingiatreilang bad ka tnad Election” ong u Tiwari .
U Tiwari u pyntip ba ki don ki ELCs ha ki jaka pule Higher Education hynrei katto katne kila treikam bad katto katne kim da treikam bha, kymta da ka jingiasoi ia ka MoU, kine ki ELC naduh mynta kin dei kiba khmih noh da ka Tnad Election.
 bad ka Tnad Education ban pyntreikam ia ka Electoral Literacy Club (ELCs) ha kaban pynsngewthuh ia ki nongthep vote ba dang khynnah ka Jylla shaphang ka elekshon, kum ka jingpynkhreh ia ka elekshon Lok Sabha ban wan.){kind=link}