Shillong, Lber 05: U Myntri Rangbah ka Jylla Conrad K Sangma hynne ka sngi Ba-ar, u la plie paidbah iaka Shiitake Mushroom and Training Centre kaba la bei tyngka daka tnat Ministry of Tribal Affairs, ka tnat Ministry of DoNER bad ka Sorkar Jylla ha Upper Shillong, haka jingdon lang ka Myntri ka tnat ka rep ka riang ka Kong Ampareen Lyngdoh.
Haba kren ha kane ka sngi, u Conrad u la ong ba ka sienjam bala shim da ka Sorkar Jylla ka long ban kynthup lang ia baroh haka imlang sahlang katba ka Jylla ka dang jam shakhmat.
The project has been implemented in partnership with YATS Corporation, Tokyo, a leading global producer of Shiitake Mushrooms.
The project is driven through a community centric model whereby Hill Farmer’s Shiitake Mushroom Co-op Society Ltd (HFSMCS) will take up farmer… pic.twitter.com/VSJ5JAeJqP
— Conrad K Sangma (@SangmaConrad) March 5, 2024
“Ka jingkynshew ba ngi la leh bad ka roi ka par ba ngi wanrah kan long lehnoh ei lut lada ka imlang salang baroh kam lah ban kiew lang kumjuh bad long shibynta na ka jingkiew irat jong ka Jylla” ong u Conrad.
U Conrad u la pyntip ba ka Sorkar Jylla haki lai snem kala kynshew pisa palat T.700 klur naka bynta ban tei ia ki jingtei ba donkam bad ban pynmih mar na ki marrep na ka bynta ki nongrep khnang ba ka kam rep bad ki mar ba ki pynmih kin ai kamai pyniohnong bha.
“Nga don beit ia ka jingngeit ba ngim donkam ban leh ia kiei kiei kiba thymmai hynrei ngi donkam ban iarap ia ki nongrep ba kin nang pynjanai ia ka rukom rep”.
U Conrad u la pyntip ba ka jingthaw iaka Shiitake Mushroom Production and Training Centre, kadei ka thong ban iarap iaki 1000 ngut ki nongrep bad u la ong ba kane ka shlem ai jinghikai kan lah ban kyntiew iaka ioh ka kot ki nongrep kumba T.1 lak man ka port hung haba bynrap “Da kaba shu khein kyllum ngi lah ban ioh jingkhein ba tang ha ki lai snem haduh T. 117 klur ki nongrep kin ioh kamai pisa”.
U la ai mynsiem iaki nongrep ba kin shim bynta haka jingrep tit Shiitake namar kane ka kam kan dei ka kam bynrap namar ka donkam duna eh ka jaka ban tep bad ba shimpor tang 15 sngi ka jingtei man ka por thung.
Nalor kane u la ong baka iew die tit Shiitake kala don lypa hapoh ka Jylla bad ka don ruh ka thong ban khaii shabar ka Jylla lada ka jingpynmih ka kham bun bad u la kular iaki nongrep baka Sorkar ka kloi ban kyrshan iaki nonggrep.
Iakane ka Projek la tei haka jinglut kaba T. 15.15 klur bad kane ka Unit ka don hapoh ka Mushroom Development Centre Upper Shillong ia kaba la pyntrei haka jingiatreilang bad ka YATS Corporation Tokyo kaba dei ruh ka Company ba heh tam ban pynmih tit Shiitake.
Lah ban kdew ba T.62.37 klur la mang naka bynta ka Mushroom Mission naka bynta san snem bad haduh mynta palat 5000 ngut ki nongrep kila ioh jingmyntoi na kane ka Prokram.
Ka jingpynshlur ban rep ia u tit Shiitake kadei ka thong jong ka tnat ka rep ka riang hapoh ka Mushroom Mission lyngba lai tylli ki mat kata ban wanrah ki bor Technology, ban kyntiew iaka iew bad ban iatreilang bad ki paidbah.
