Shillong, Lber 04: Ka UGC- Malviya Mission Teacher Training Centre (MMTTC) bad ka Department of Biomedical Engineering jong ka North Eastern Hill University (NEHU), Shillong kila pynlong ia ka ‘Short Term Course’ halor ka “Telemedicine and Digital Health” bad ia kane ka jingai jinghikai la sdang hynne ka sngi Nyngkong.
Kane ka ‘Short Term Course’ kala sdang ha ka 4 tarik bad kan kut haka 9 tarik u Lber ha kaba 30 ngut kila wan ban iashimbynta kiba kynthup ia ki nonghikai bad ki Scholar na kylleng ka ri.
Ki riewshemphang na kylleng ki jaka ai jingsumar kiba paw ha ka ri ryngkat bad ki riewstad kila sam ia ki jingtip bad jinghikai sha ki nongiashimbynta ha kane ka jingai jinghikai kaba shi taiew.
U Coordinator jong kane ka ‘Short Term Course’ u Dr. Dinesh Bhatia ula pynpaw ia ki jingmyntoi kiban ioh na kane ka jingai jinghikai bad kan iarap ha kaban ktntiew iaka jingnang bad jingstad bad kumjuh ban kyntiew ia ka sap ka phong.
Prof. Quendarisa Kharbuli, Director Incharge kala pynpaw ia ki kamram jong ka UGC-MMTTC Centre bad kumno ka leh ia la ka bynta ban kyntiew ia ka sap ka phong bad ia ki jingnang jingtip jong ki nongsiashimbynta kiba wan ha ki Course ki bapher bapher kiba la wanrah da ka Centre baroh shisnem.
U Prof. S.S. Ray u Head jongka Biomedical Engineering Department uba long ruh u Symbud KOngsan, ula iaroh ia ki kam kiba la trei da ka Artificial Intelligence ha ka koit ka khiah ha une u spah snem uba mynta bad ula pynpaw ba ki kor teknoloji kila pynwandur ha ka liang ka koit ka khiah ha kaban pyniadei hapdeng ki nongpang bad ki nongai jingsumar.
