Shillong Lber 01: Ka Khasi Students Union, Nongstoin Circle kala leit iakynduh ia ka District School Education Officer (DSEO) ka West Khasi Hills, ban pynpaw iaka jingsngewkhia halor ka jingpynshitom ki skul ia ki khynah skul ki bym pat ioh ia ki kot pule.
Ka KSU Nongstoin Circle, hapoh ka jingialam u Education Secretary u Samla Robertgill Khardewsaw bad u Publicity Secretary Samla Shemlang K Bani, kila leit iakynduh ïa ka District School Education Officer (DSEO) ban pynsngew ha kaba iadei bad ka jingpynshitom ne Punishment jongki katto katne ki skul ia ki khynnah skul ki bym pat ioh ia ki kot pule ki jongki.
Kila pyntip ba ka seng hadien ba kala ïoh pdiang ia ki jingujor, kumta kala leit ban ïakynduh bad ban iakren ia kane ka bynta bad ka DSEO ha kaba kala kular ba kan shimkhia ha kaba ia dei bad kane ka mat bad kan sa phah ruh ki jingpyntip sha ki skul halor kane ka kam.
Ka KSU kala kyntu ruh ia ki nongdie kot ba kim dei ban shimkabu ha kaban die ia ki kot skul bad ka seng ka maham ruh ba kim dei ban die tam ia ka dor ba la buh khnang ba kan nym ktah ia ki paidbah.
 ka West Khasi Hills, ban pynpaw iaka jingsngewkhia halor ka jingpynshitom ki skul ia ki khynah skul ki bym pat ioh ia ki kot pule.){kind=link}