Delhi, Rymphang 27: Ka President jong ka Lamyamba Irabot Memorial Integrated Trust (LIMIT) ka Malem Thongam ka dang don hapdeng ka jingshah thngan ban dawa wanrah biang ia ka shong suk shong shngain hapoh Manipur kaba la sdang ka jingiaum snam naduh Jymmang 2023.
Kane ka transgender Activist kala sdang ia ka jingshah thngan naduh ka 22 tarik mynta u bnai ban dawa na u Myntri Rangbahduh ka Ri u Narendra Modi ba un tuklar ha ka ban wanrah biang ia ka shong suk shong shngain bad ban weng noh iaka Suspension of Operation (SoO) bad ki sengkieng atiar naka jaidbynriew Kuki.
Kala shah bat noh haki Pulit bad ki nongkitkam ka Delhi Meetei Coordinating Committee (DMCC) namar ka jingiashong kyllain mungor bad shah thngan.
Hadien baka la lait, kala sdang biang ia ka jingshah thngan hakhmat ka jaka sah u MP napoh ka Jylla Manipur u Rajkumar Ranjan Singh bad nangne kala shah kem biang haki Pulit.
Ki Parliament Street Police kila pyllait iaka bad kila bthah ba kan sah ha Gurdwara Bangla Sahib ha central Delhi bad mynta kala sdang biang iaka jingshah thngan ban dawa weng noh iaka jingiateh (Tripartite Agreement) hapdeng ki sengkieng atiar Kuki-Zo bad ka Sorkar Jylla bad Sorkar Pdeng.
 ka Malem Thongam ka dang don hapdeng ka jingshah thngan ban dawa wanrah biang ia ka shong suk shong shngain hapoh Manipur kaba la sdang ka jingiaum snam naduh Jymmang 2023.){kind=link}