Shillong, Feb 19: Ka Nagaland kala jop ia ka phainal jongka U-23 Men’s Col CK Nayudu Trophy Plate Group da kaba pynrem ia ka Meghalaya da 7 wiket ha ka jingiakhun kaba la long hynne ka sngi ha Sovima, Nagaland.
Kane ka jingiakhun kala sdang ha ka sngi u Blei ha kaba ka Meghalaya kala kamai tang 108 run bad hap lut ki nongtied bad haba ka Nagaland kala leit ban tied kala kamai 50 run bad hap tang shi wiket.
Hynne ka sngi ka Nagaland kala bteng biang ban tied bad kala kamai 109 run bad hap lut ki nongtied.
Ka Meghalaya kala leit ban tied ha ka sien ka baar bad kala kamai tang 53 run bad hap lut ki nongtied bad haba ka Nagaland kala leit ban tied kala kamai da kaba suk bad kala hap tang 3 wiket bad khur syndon ia ka nam lahduh.
U Mughavi Sumi jong ka Nagaland ula kamai marwei 62 run khlem out ha ka jingleit tied ha ka sien kaba nyngkong, katba u Manish Sharma jong ka Meghalaya ula ioh khur biang 5 wiket bad ai 22 run katba u Bipin Kumar Ray ula ioh k2 wiket bad Abhishek Kumar ula ioh 1 wiket.
Haba ka Meghalaya kala leit tied biang hynne ka sngi, dei tang u Mrityunjay Bharali bad u Bipin kiba la kamai mar 11 run, katba u nongkawang bol ka Nagaland u Neizekho ula ioh khur 6 wiket bad ai 15 run katba u Hem ula ioh 4 wiket.
U President ka Meghalaya Cricket Association u Nababrata Bhattacharjee ula aiti iaka BCCI Championship Trophy sha ka Nagaland kaba la jop ia ka phainal.
Ka Nagaland bad ka Meghalaya kila ioh rung sha ka Plate Group final kaban long ha ka samoi kaban wan.
