Shillong, Rymphang 19 : U Myntri ka Tnad ialehkai ka Jylla Bah Shakliar Warjri ha ka sngi Nyngkong ula pyntip ba ka Sorkar ka khlem ai satia da ki jingbam khutia mutia (junk food) sha ki nongialehkai hapoh ka lympung 5th Meghalaya Games 2024 ba kut dang shen ha Tura.
Haba jubab ha Iingdorbar Thaw Ain, u Bah Shakhliar ula kubur bala ai jingbam tehkpoh (light snacks) ia ki nongialehkai ha ka sngi plie ia ka lympung ialehkai da ka President ka Ri India kum ka kongsan.
U pyntip ula pyntip ruh ba ka tnad ka khlem shim satia ia kano kano ka sienjam ba long pyrshah ia ka jingpynsaphriang khubor ba ai jingbam khutia mutia ia ki nongialehkai.
Ia kane ula pyntip haba jubab ia ka jingkylli bynrap bala wanrah da u MLA ka VPP na Nongkrem hapoh ka Iingdorbar.
