Ai jingmut ka Committee ka High Court ban khangdam ia 19 tylli ki karkhana coke ha Meghalaya

Date:

Share post:

Shillong, Rymphang 11 : Ka Committee jong ka Iingkashari Meghalaya High Court kala ai jingmut ban khangdam noh ia palat 19 tylli ki karkhana coke kiba don ha ki lai tylli ki District ka Jylla.

“Ka Committee namar kata, ka ai jingmut ban pynmih ia ka jingbthah sha ki Deputy Commissioner ka East Jaintia Hills, West Khasi Hills bad South West KHasi Hills ba kin pynthikna ia ka jingkhangdam noh ia ki 19 tylli ki karkhana coke (kat kum ki kot ki sla bala ai da u Member Secretary, MSPCB lyngba ka shithi ba 02/02/2024, tad haduh ba kin da ioh ia ki CTO kiba treikam” ong u Justice (Retd) BP Katakey ha ka interim report ba arphew, bala aiti sha ka Iingkashari.

Ka Committee kala ai jingmut ruh ban tian bishar ban pynmih ia ka khajna bala dawa na ki 3 tylli ki karkhana coke, kiba haduh mynta kim pat jubab ia ka demand notice lane khlem pat siew ia ka pisa.

Ka Tnad Mining & Geology kala pyntip sha ka Committee halor ka jingiaid jong ka audit ia ka jingioh dewiong jong kine ki karkhana coke jong ka Ferro Alloy Plant bad Captive Power Plant jong ki karkhana dewbilat ha Jyla, kaba la khmih lynti ban pyndep hapoh ka shibnai.

Ka Committee kala pyntip ruh ba ha ka por ba leh audit ia ka thymmei jong u dewiong ba pyndonkam ki karkhana coke ha Jylla, la shem ba 8 tylli ki karkhana kila pyndonkam da u dewiong ba beain, ha kaba ia ka khajna ym shym la siew satia bad kumta la dep ai demand notice sha ki, ia kaba 5 tylli ki karkhana kila dep siew ia ka khajna kumba buh, kawei pat kala pynpaw ia ka jingkloi ban siew katba 2 tylli kim shym la jubab satia ia ka notice.

Share post:

spot_img

Popular

More like this
Related

Lyngba ka Tracestore yn kyntiew ia kiba thain jingthain & nongseng kam lajong

Shillong, Lber 01: Ki nongthain jingthain bad ki nongseng...

Pynrem ka Mawlai da 6-1 ia ka Nongthymmai ha ka SPL

Shillong, Lber 01: Ka Mawlai SC kala nang jam...

Kurup ki BSF ia ki tiar kiba thmu khaii be-ain sha Bangladesh kiba shongdor T.61 Lak

Shillong, Lber 01: Ki shipai BSF kiba pahara ha...

Palat 5.2 lak ki Longiing ha Nongkyndong kila ioh kor um iing na ka JJM

Shillong, Rymphang 28 : Palat 5.2 tylli ki Longiing...