Shillong, Rymphang 03: Lada phi lah ban pdiang iaka ktien phareng, balei phim lah ban pdiang iaka ktien Hindi, ong ka Bharatiya Janata Party (BJP)-Meghalaya haba kdew ba kine ki artylli ki ktien ki dei ki National Language jong ka Ri India.
Ia kane la pynpaw da u Nongaiktien ka BJP Bah MH Kharkrang haba kynthoh ia ka jingpynbna jong ka VPP ban nym iashimbynta ha ka jingkren lamphrang u Lat ka Jylla ia ka Mang Tyngka ha ka Dorbar Mang tyngka ban wan ka Jylla, lada u kren da ka ktien Hindi khlem da buh ia u nongpynkylla ktien.
Haba kren sha ki lad pathai khubor u Bah Kharkhrang ula ong baka ktien Hindi bad ka ktien phareng ki dei 2 tylli ki National Language ka Ri India.
“Ngam kwah ban kynthoh eiei ia ka jingthmu jong kiwei ki sengsain pyrthei hynrei ka Meghalaya BJP kam don jingthut lada u Lat u ai jingkren da ktien Hindi ha Iingdorbar ne hangno hangno ruh” ong u Bah Kharkrang.
“Lada phim pdiang iaka ktien Hindi, te balei fi pdiang iaka ktien English” buh jingkylli u Bah Kharkhrang iaka VPP.
U bah Kharkhrang ula ong ba ka Legislative Secretariat kala pynbiang iaka jingpynkylla ktien (Translation) naka bynta ki nongthaw ain ki bym sngewthuh Hindi.
Haba kylli, u Bah Kharkrang ula ong”Ngi donkam ban pynleit jingmut haki kam pynroi kaba long kaba kongsan ym ban pynleit jingmut ha kum ha kine”.
-Meghalaya haba kdew ba kine ki artylli ki ktien ki dei ki National Language jong ka Ri India.){kind=link}