“Burom ia ka riti dustur bad ia ka ktien tynrai bad ka pyrthei kan burom ia phi”: Silbi Passah
Shillong, Rymphang 03: Ka Meghalaya Bharatiya Janata Party (BJP) hynne ka sngi kala pynkupburom iaka Kong Silbi Passah iba shah jied ba ioh ia ka Padmashree lem bad ia u Myntri Sorkar Bah A.L Hek.
Iaka Kong Silbi bad ia u Bah Hek la pynkupburom da u President ka Meghalaya BJP Rickman G Momin haka jingdon lang ki nongkitkam ka Party.
Lah ban kdew baka Kong Silbi Passah kala shah jied ban ioh iaka khusnam Padmashree 2024 bad u Bah A.L Hek ula shah pynkupburom daka Dadasaheb Phalke Award.
Haba kren ha kane ka sngi ka Kong Silbi kala ong ba dap daka jingkmen baka Sorkar Pdeng kala ai ka jingithuh iaki kam baka trei daka khusnam Padmashree 2024.
Ka Kong Silbi kala ong ba kala iaid daki bun bun snem kum ka Nonghikai iaka Subject Hindi haki skul bad ban kyntiew iaki jingrwai bad ki Poetry tynrai.
“Kum ka nongshong shnong ka Meghalaya kala ioh shibun ki lad ban pynsaphriang iaki jingrwai bad ki poetry tynrai ym tang hapoh ka Ri India hynrei sha kiwei pat ki Ri” ong ka Kong Silbi.
Haba pynpaw ka jingiaroh iaka Meghalaya BJP kaba la ai ka jingithuh, kala ong “Burom iaka riti dustur bad iaka ktien tynrai bad ka pyrthei kan burom ia phi”.
Naka liang u Bah Hek ula ong ba ka khusnam ba u ioh kam shong dor bad ka khusnam ba ioh ka Kong Silbi kata ka Padma Shri Award 2024.
U Bah Hek ula ong ba ka jingioh khusnam kam dei ka sngi ba kut ban trei iaki kam hynrei kadei ka jingsdang ban trei iaki kam ban nang kyntiew iaka jaidbynriew bad ka Jylla baroh kawei.
Haba pynpaw ka jingkmen ba ula shah pynkupburom, u Bah Hek ula ong ba iaka Dadasaheb Phalke Award la ai ia u kum ka nam kum u Myntri ba kynsai tam hapoh Meghalaya.
 hynne ka sngi kala pynkupburom iaka Kong Silbi Passah iba shah jied ba ioh ia ka Padmashree lem bad ia u Myntri Sorkar Bah A.L Hek){kind=link}