Kular ka Kong Ampareen ban rah ia ki jingeh jong ki kynthei hapoh Parliament

Shillong, K’Lyngkot 26: Ka jingialap ilekshon jong ka National People’s Party (NPP) na ka bynta ka Lok Sabha MP kala sdang bad ka kyrtong ka Kong Ampareen Lyngdoh ka iai ban ia ka jingdonkam ban don lypa ka bhah kyrpang 33 percent na ka bynta ki kynthei hapoh ka Parliament.

Haba kren haka jingialang jong ka NPP District haka jingdon ki dkhot ka Block ha Nongstoiñ, ka Kong Ampareen ka ngeit ba ka don ka jingsawa ban mang lypa 33 percent iaki kynthei bad kala ong ba kan long ka nongjop ban ai mynsiem ia kiwei ki kynthei ban iakhun naka bynta ban rah iaki mat jingeh jong ki kynthei.

Kum ka nongmihkhmat kaba la ih bha ha ka sain hima, ka Kong Ampareen kala kyntu iaki paidbah ban jied iaka namar kala shim iaka rai ban iakhun haka ilekshon MP namar ka kwah ban shakri iaki paidbah bad ka Jylla kumba ju leh man ka sngi.

“Kum ka MP, Nga lah ban wanrah ki jingdonkam jong ka Jylla sha ka Sorkar Pdeng la kadei ki skhim bad kiwei kiwei ki jingdonkam bad dei namar kane ka long ka ba donkam ban jied MP da kiba don lypa ha ka Sorkar ban iohi shisha ka jinglah ki MP ban treikam ” ong ka Kong Ampareen ha West Khasi Hills.

Haba iai ban iaka jingdonkam ki kynthei haka sain hima, ka Kong Ampareen kala ong ka dap daka jingkmen ban iarap ban paw nam iaka jingdonkam ki kynthei haka ka sain hima.

“Namar kata lada ki paidbah ki jied ia nga bad namar ba ngi wan na ka imlang sahlang ba ai jait kmie, nga lah ban long ka nongmihkhmat sha baroh 36 tylli constituency” kala ong.

Haba ngeit ba kan long ka nongpyniasoh na ka bynta ki paidbah sha ka Sorkar, ka Kong Ampareen kala ong “Ngi donkam ban tip iano ban phah sha Delhi ban treikam iaki kam kumba la pynkhamti iaki”.

Kala ong ruh baka NPP kadei ka Party ba lah ban pynurlong ym tang haka por ilekshon bad kala ong ruh ba shisien kala shah jied kum ka MP, kan pynthikna ba ka Sorkar Pdeng kan ithuh iaki jaidbynriew Garo, Khasi, and Jaiñtia kiba don iala ka jong ka riti dustur.