Shillong, K’Lyngkot 25: Ka Sorkar Jylla kala bthah iaka North Eastern Indira Gandhi Regional Institute of Health and Medical Sciences (NEIGRIHMS) ban aiti iaka kaiphod halor ka jingkhlad ka samla ba dang 23 snem hapoh kane ka Hospital.
Ia kane ka pyntip daka Myntri ka tnat ka koit ka khiah ka Kong Ampareen Lyngdoh bad kala phah ruh iaka khubor sngewlem shaka ing ka sem jong kane ka samla.
“Ngam kwah ba ngan bakla haka jingkren jong nga namar ia kane nga la pan daka kaipod naki bor pyniaid jong ka NEIGRIHMS” ong ka Kong Ampareen.
Ka Kong Ampareen kala ong “Watla ka NEIGRIHMS ka dei ka Hospital ka Sorkar Pdeng hynrei ka dei ka kamram jong ka Sorkar Jylla ban long ki skhor bad ki khmat bad lada jia kum kine ki jingjia ba sngewsih, ka Sorkar Jylla kan hap pyntip shaka Sorkar Pdeng ban leh eiei”.
Kala ong kum ka Myntri ka tnat ka koit ka khiah, kan pan iaka kaiphod bad kan sa pyntip paidbah ia kaei kaba la kdew haka kaiphod halor kane ka jingjia ba sngewsih.
Lah ban kdew, ki bahaing jong kane ka samla, kila kynnoh ia ka jingtrei torti bad tohmet ki Nurse bad Doctor jong ka NEIGRIHMS kaba pynlong ia ka khun jong ki ban khlad noh hadien baka la shah puid hapoh NEIGRIHMS.
 ban aiti iaka kaiphod halor ka jingkhlad ka samla ba dang 23 snem hapoh kane ka Hospital.){kind=link}