Shillong, Nohprah 28 : U President barim ka FKJGP bad Chairman ka North East Indigenous People’s Forum (NEIPF) Bah Wellbirth Rani, ula noh synniang haduh T. 2 lak ka pisa sha ka Tyrsad Area Sport Association ba kan kyntiew ia ki kam ialekai hapoh ka thain.
Une u Rangbah Nongialam, ula aiti ia kane ka pisa ha ka sngi pynkut ia ka phainal jong ka lympung ialehkai phutbol jong ka TASA kaba long myn ha ka 23 tarik Nohprah.
Ia kane ka lympung ialehkai la pynlong naduh u bnai Nailar bad ka jingialehkai ka dei ia ki lai tylli ki Division ba kynthup ia ka 1st Div, 2nd Div bad na 3rd Division.
Ha ka jingialehkai jong ka 1st Division, ka Mawlum tyrsad SC kala ioh rah ia ka nam lahduh da ka jinglah ban jop ia ka Pamsanngut SC da 5-4 kol lyngba ka penalty hadien ka jingiakhaid mar shi kol ha ka jingialeh kai ba 90 minit.
Ha ka 2nd division,ka Laitmawhing FC ka la ioh rah ia ka nam lahduh da ka jinglah ban pynliem ia ka Thainthynroh FC bad ha ia ka 3rd division, ka Mawdngong FC ka la ioh rah ia ka nam lahduh da kaba pynliem iaka Mawkynroh FC.
Kine ki jingialehkai phainal kila pynshongshit bha ia ki paidbah kiba la wan ban sakhi bad pyndap smam ia ka madan. Ha kane ka sngi la iadonlang ruh ki riew rangbah ka thain bad u MDC uba la wan ban iadonlang kum u symbud kongsan.
